15:00 Լուրերը մեկ տողով. ԱԱԾ «պադվալի» բացահայտումներ. անչափահասներ՝ ղեկին «Վերջին զանգի» ժամանակ

Անցած ժամվա լուրերը՝ հակիրճ և բովանդակային.

 
•«Վերջին զանգի» միջոցառումների շրջանակում ոստիկանությունն անցել է ուժեղացված ծառայության և հատուկ տարածքներ տեղափոխել տասնյակ տրանսպորտային միջոցներ, որոնց ղեկին եղել են անչափահասներ:

•Քրեական վարույթի շրջանակում խուզարկություններ են իրականացվել Ազգային ժողովի պատգամավորի տանը, մեքենայում ու գրասենյակում, որտեղից առգրավվել են համակարգիչներ և փաստաթղթեր:

•«Ուժեղ Հայաստան» դաշինքի առաջնորդը հանդես է եկել մամուլի ասուլիսով՝ անդրադառնալով  ԱԱԾ «պադվալում» իր կալանավորման պայմաններին, իշխանությունների քայլերին և ժողովրդին օգնելու իր նպատակներին:

•Ռուսաստանի նախագահի մամուլի քարտուղարը հերքել է Ուկրաինայում հակամարտության ավարտի համար վերջնաժամկետ սահմանելու լուրերը՝ վերահաստատելով Մոսկվայի պատրաստակամությունը շփումների համար:

•ԱՄՆ պետքարտուղարը հայտարարել է Իրանի հետ բանակցություններում արձանագրված որոշակի առաջընթացի մասին, որտեղ հիմնական շեշտը դրված է միջուկային զենքի բացառման վրա:

•Եվրամիությունը մշակել է Իրանի նկատմամբ պատժամիջոցների նոր ռեժիմ, որը նախատեսում է ակտիվների սառեցում և մուտքի արգելք՝ կապված Հորմուզի նեղուցի հնարավոր արգելափակման հետ:

•Ռուսաստանի Պետական դուման առաջին ընթերցմամբ հավանություն է տվել միգրացիոն օրենսդրության խստացմանը, որը թույլ կտա երկրից արտաքսել իրավախախտում արած կամ դատվածություն ունեցող օտարերկրացիներին: