Ադրբեջանից պատասխանել են Սամվել Կարապետյանին

Ադրբեջանական լրատվամիջոցների ուշադրության կետրոնում է հայտնվել «Ուժեղ Հայաստան» դաշինքի վարչապետի թեկնածու Սամվել Կարապետյանի հայտարարությունը։

Արձագանքն ադրբեջանական կողմից բավականին կոշտ է, տեղի ԶԼՄ-ները նշում են, որ պաշտոնական արձագանքը չի ուշանա․

«Հայկական ընդդիմությունը խոստանում է արգելել ադրբեջանցիներին հող գնելը։ «Ուժեղ Հայաստան» դաշինքի վարչապետի թեկնածու Սամվել Կարապետյանի իշխանության գալու դեպքում Հայաստանում օրենսդրական արգելք կսահմանվի Ադրբեջանի քաղաքացիների համար՝ հողատարածքների և այլ անշարժ գույքի ձեռքբերման նկատմամբ։ Ըստ նրա՝ մշակվելիք իրավական կարգավորումները կներառեն ոչ միայն առուվաճառքի գործարքները, այլև կարգելեն Հայաստանի տարածքում ադրբեջանցիներին որևէ գույք որպես նվիրատվություն փոխանցելը։  Ադրբեջանից պաշտոնական արձագանքը չի ուշանա»,- նշվում է հոդվածում։

Հիշեցնենք՝ Սամվել Կարապետյանը հայտարարել էր՝ « 300 000 ադրբեջանցիներ արդեն պատրաստվում են ներխուժել Հայաստան՝ հողատարածքներ գնելով, տներ գնելով։ Գիտեն, որ իրենց համար ազատվում են գյուղեր, դպրոցներ, մանկապարտեզներ։ Մեր երկիրը լուրջ վտանգի տակ է»։