Բացառված չէ՝ մեկնեմ Իսրայել և ստանձնեմ վարչապետի պաշտոնը․ Թրամփ

Ամերիկայի Միացյալ Նահանգների նախագահ Դոնալդ Թրամփը հրապարակային հայտարարություն է արել Իսրայելի կառավարության ղեկավար Բենիամին Նեթանյահուի հետ իր հարաբերությունների և այդ երկրում սեփական քաղաքական կշռի վերաբերյալ։ Այս մասին հաղորդում է APA լրատվական գործակալությունը։

Ամերիկացի  առաջնորդի պնդմամբ՝ Իսրայելի վարչապետը պատրաստակամ է կատարել իր բոլոր ցանկությունները։ Թրամփը բարձր է գնահատել իր նկատմամբ Իսրայելի հանրության վերաբերմունքը՝ նշելով, որ այս պահին այնտեղ վայելում է բնակչության 99 տոկոսի աջակցությունը։

Խոսելով իր քաղաքական հեռանկարների մասին՝ ԱՄՆ նախագահը կատակով  նշել է, որ պատրաստ է անգամ առաջադրվել Իսրայելի կառավարության ղեկավարի պաշտոնում։ Նրա խոսքով՝ Ամերիկայում իր գործունեությունն ավարտելուց հետո բացառված չէ, որ մեկնի Իսրայել և ստանձնի վարչապետի պաշտոնը։