Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»

«Հրապարակ»-ը գրում է, որ ուրբաթ Վանաձորում իրավապահները խուզարկություններ ու ձերբակալություններ են իրականացրել ոչ միայն «Ուժեղ Հայաստան» կուսակցության գրասենյակներում ու այդ ուժի հետ կապվող անձանց տարածքներում, այլև Արկադի Փելեշյանի մերձավորների շրջանում։

Պարբերականը փոխանցում է, որ Վանաձորում խոսում են՝ ՔՊ-ի նախընտրելի քաղաքապետ Ական գաղտնի աշխատում է Սամվել Կարապետյանի համար, և իշխանությունները դա փորձում են ստուգել նրա հետ կապ ունեցող անձանց միջոցով։ «Հրապարակ»-ը նշում է նաև, որ սա կարող է լինել Նիկոլ Փաշինյանի կասկածամտության դրսևորում։

Թե ինչ է պարզվել գործողությունների արդյունքում, թերթին հայտնի չէ, Ակային ևս չհաջողվեց կապով գտնել։ «Հրապարակ»-ին փոխանցել են, որ բոլոր ձերբակալվածներն արդեն ազատ են արձակվել։