09:00 Լուրերը մեկ տողով. Սկանդալ Էրմիտաժում. պատերազմի վերսկսման վտանգ Մերձավոր Արևելքում

 Անցած ժամվա լուրերը՝ հակիրճ և բովանդակային.

•Հայաստանի զգալի մասում և Երևանում առաջիկա օրերին սպասվում է անձրև, ամպրոպ և օդի ջերմաստիճանի նվազում, իսկ հանրապետության ճանապարհներն ու Լարսը բաց են։

•«Հին Խնձորեսկ» պատմամշակութային արգելոցում բարեկարգվել են զբոսաշրջային արահետները և շուտով կբացվի նոր տեղեկատվական կենտրոն։

•Բաքվի գերությունից հունվարին հայրենիք վերադարձած լիբանանահայ Վիգեն Էուլջեքչյանը 5 ու կես տարի անց առաջին անգամ հանդիպել է դստերը։

•ԱՄՆ-ն և Իսրայելը քննարկում են Իրանի դեմ պատերազմի վերսկսումը, ինչին զուգահեռ Վաշինգտոնը խոշոր զինտեխնիկա է տեղափոխում Մերձավոր Արևելք։

•Իրանը հայտարարել է, որ չի նահանջի ԱՄՆ-ի սպառնալիքների առաջ և ցանկացած երկխոսություն ընթանում է երկրի գերագույն առաջնորդի վերահսկողությամբ։

•Չինաստանը պարտավորվել է առաջիկա երեք տարիներին ԱՄՆ-ից գնել առնվազն 17 միլիարդ դոլարի գյուղատնտեսական արտադրանք։

•Թուրքիայի Չորլու շրջանում զինված ծեծկռտուքի վայր ժամանած ոստիկանները գնդակահարվել են, իսկ հարձակվողը փոխհրաձգության ժամանակ վիրավորվել ու ձերբակալվել է։

•Մոսկվայի Իզմայլովոյի «Կրեմլի» տարածքում ԱԹՍ-ների ենթադրյալ հարձակման հետևանքով ուժգին պայթյուն է որոտացել և հրդեհ է բռնկվել։

•Չինաստանի հարավում տեղի ունեցած 5,2 մագնիտուդ ուժգնությամբ երկրաշարժի հետևանքով մարդկային զոհեր են գրանցվել։

•Էրմիտաժում թաքցված դանակով զինված տղամարդը բռնի ուժով անցել է արգելապատնեշը և նստել Մեծ կայսերական գահին։

•Հայ ըմբիշ Ավետիք Թութխալյանը հաղթել է վրացի մրցակցին և նվաճել Մ-17 Եվրոպայի առաջնության բրոնզե մեդալը։