Լատվիայի վարչապետը հրաժարական տվեց. դրոնները չէին խոցվել

Լատվիայի վարչապետ Էվիկա Սիլինյան հրաժարական է տվել կառավարության ղեկավարի պաշտոնից՝ երկրի օդային տարածքում դրոնների հետ կապված ճգնաժամի ֆոնին։

Հիշեցնենք՝ Լատվիայում քաղաքական ճգնաժամի պատճառ է դարձել «Պրոգրեսիվներ» կուսակցության ներկայացուցիչ, պաշտպանության նախարար Անդրիս Սպրուդսի հրաժարականը։ Նա պաշտոնանկ է արվել այն բանից հետո, երբ Լատվիայի օդային տարածք էին ներթափանցել երկու դրոն (ենթադրաբար՝ ուկրաինական)։ Դրանք չեն խոցվել, և արդյունքում ընկել են Ռեզեկնե քաղաքի նավթապահեստի տարածքում։ Կառավարությունը քննադատության է ենթարկվել այն բանի համար, որ անօդաչուները չեն խոցվել։

Սպրուդսին փոխարինելու համար Սիլինյան առաջադրել է գնդապետ Ռայվիս Մելնիսին՝ փաստացի վերցնելով նախարարական պորտֆելը «Պրոգրեսիվներից»։ Ի պատասխան՝ կուսակցությունը կոչ է արել երկրի նախագահ Էդգարս Ռինկևիչսին սկսել խորհրդակցություններ և նոր վարչապետի որոնումներ։