Ատոմային մրցավազք Հայաստանի շուրջ. գերտերությունները առաջարկում են նոր ԱԷԿ կառուցել

Հայաստանը ԱԷԿ կառուցելու առաջարկներ է ստացել Ռուսաստանից, Կորեայից, Ֆրանսիայից և ընտրությունը կկատարի՝ ելնելով տնտեսական, այլ ոչ թե քաղաքական նպատակահարմարությունից։ Այդ մասին հայտարարել է վարչապետ Փաշինյանը.

«Մեզ ամենից շատ համապատասխանում է փոքր մոդուլային ԱԷԿ-ը։ Նման կայան կա նաև Ռուսաստանում», — ասել է նա։

Նրա խոսքով՝ Հայաստանին մեծ ԱԷԿ պետք չէ՝ արևային էներգիայի անսահմանափակ ներուժի պատճառով։ 

Փաշինյանը նաև բացառել է  նոր ԱԷԿ-ի կառուցման հարցում քաղաքական ընտրությունը: 

«Սա տնտեսական հարց է, և անհրաժեշտ կլինի ապահովել ծրագրի երկարաժամկետությունն ու շահութաբերությունը», — նշել է Նիկոլ Փաշինյանը։