Շնորհավորում ենք Ռուսաստանի բոլոր արևմտյան «ընկերներին». Մեդվեդև

Ռուսաստանի Անվտանգության խորհրդի փոխնախագահ Դմիտրի Մեդվեդևը X սոցիալական ցանցի իր էջում շնորհավորանք է հղել արևմտյան երկրներին՝ «Սարմատ» միջմայրցամաքային բալիստիկ հրթիռի արձակման կապակցությամբ։

ՌԴ Անվտանգության խորհրդի փոխնախագահ Դմիտրի Մեդվեդևը շնորհավորական խոսք է ուղղել Ռուսաստանի բոլոր արևմտյան «ընկերներին»՝ կապված «Սարմատ» տեսակի նորագույն միջմայրցամաքային բալիստիկ հրթիռի (ՄԲՀ) մեկնարկի հետ։ Քաղաքական գործիչն այս մասին գրառում է կատարել X սոցիալական հարթակի իր անգլալեզու էջում։

«Շնորհավորում ենք Ռուսաստանի բոլոր արևմտյան «ընկերներին» «Սարմատ» ռազմավարական հրթիռային համալիրի հաջող փորձարկման կապակցությամբ։ Հիմա մենք բոլորս շատ ավելի մոտ դարձանք» — գրել է Մեդվեդևը։