ՏԵՍԱՆՅՈւԹ. Ով է իրականում Պուտինի զրուցակից «պատահական անցորդը»

Սոցիալական հարթակներում քննարկման լայն առարկա է դարձել Վլադիմիր Պուտինի և նրա դպրոցական ուսուցչուհի Վերա Գուրևիչի հանդիպման տեսանյութը։Տեսահոլովակում Ռուսաստանի նախագահը ճանապարհին ողջունում է իբր պատահական մի տղամարդու և նրա հետ քննարկում Մոսկվան ու եղանակը։

Ինչպես պարզել է «Ագենտստվո» պարբերականը, այդ «անցորդը» Ալեքսանդր Բազարնին է՝ մի մարդ, ով կապված է Կրասնայա Պոլյանայում Պուտինի էլիտար նստավայրերը սպասարկող ընկերությունների հետ։

Հետաքննողների տվյալներով՝ նա աշխատել է «Գազպրոմ Պոլյանա» հանգստավայրի հետ կապված կառույցներում և այն ֆիրմաներում, որոնք կառավարել են վիլլաները, որտեղ հանգստացել են Ալինա Կաբաևայի մայրը և հարազատները։