ՄԻՊ-ը շուրջ 250 միջազգային հանդիպումներում բարձրացրել է Ադրբեջանում պահվող հայերի հարցը

Մարդու իրավունքների պաշտպան Անահիտ Մանասյանը ԱԺ-ում 2025 թվականի տարեկան հաղորդման ներկայացման ժամանակ հայտարարել է, որ Ադրբեջանում ազատությունից զրկված հայերի իրավունքների հարցը բարձրացրել է շուրջ 250 բարձրաստիճան միջազգային քննարկումներում և հանդիպումներում։ Նրա խոսքով՝ առանցքային պահանջն այն է, որ Ադրբեջանում պահվող բոլոր հայերը պետք է անհապաղ ազատ արձակվեն։

 «Ադրբեջանում ազատությունից զրկված հայերի իրավունքներին առնչվող հարցերը Մարդու իրավունքների պաշտպան Անահիտ Մանասյանն այս տարիների ընթացքում բարձրացրել է շուրջ 250 բարձրաստիճան միջազգային քննարկումների և հանդիպումների ընթացքում: 

Ազգային ժողովում 2025 թվականի տարեկան հաղորդման ներկայացման շրջանակում Մարդու իրավունքների պաշտպան Անահիտ Մանասյանն ընդգծել է, որ այս համատեքստում առանքային հարցն այն է, որ Ադրբեջանում ազատությունից զրկված բոլոր հայերը պետք է անհապաղ ազատ արձակվեն, քանի որ դա է պահանջում միջազգային իրավական արժեհամակարգն ու խաղաղության գործընթացի տրամաբանությունը»,- ասված է հաղորդագրությունում։