10:00 Լուրերը մեկ տողով. Կանխատեսվում է հայ-ռուսական փոխգործակցության վերափոխում. Ծառուկյանը արդարացվեց. Իրանի կոշտ «ոչ»-ը

Անցած ժամվա լուրերը՝ հակիրճ և բովանդակային.

•Ռուսաստանի ԱԳՆ-ն կանխատեսում է հայ-ռուսական փոխգործակցության վերափոխում՝ Հայաստանի եվրոպական ձգտումների պատճառով։ Հայաստանի եվրոպական ուղղությամբ ընթացքը հնարավոր է հանգեցնի Ռուսաստանի հետ հարաբերությունների համակարգային փոփոխությունների. ՌԴ ԱԳՆ:

•Մոսկվան դժգոհություն է հայտնել Երևանում հնչած հակառուսական հայտարարությունների և ԵՄ-ի խոստացած «միրաժային» ներդրումների առնչությամբ։

•Դատարանն արդարացրել է Գագիկ Ծառուկյանին, իսկ Սեդրակ Առուստամյանը մեղավոր է ճանաչվել առանց պատժի կիրառման։

•Մարդու իրավունքների պաշտպանի գրասենյակը կարևորել է առցանց տիրույթում ատելության խոսքի դեմ պայքարի միջազգային չափանիշների կիրառումը։

•Իրանը մերժել է հարստացված ուրանը երկրից դուրս հանելու պահանջը՝ պատրաստակամություն հայտնելով նվազեցնել հարստացման մակարդակը սեփական տարածքում։

•ԱՄՆ-ն Ջիբրալթարում ցուցադրել է միջուկային սպառազինությամբ օժտված իր գաղտնի սուզանավի գտնվելու վայրը։

•Եվրոպական միությունը պահանջում է Վրաստանից դադարեցնել Ռուսաստանի հետ ավիահաղորդակցությունը և միանալ պատժամիջոցներին. ՌԴ ԱԳՆ։