17:00 Լուրերը մեկ տողով. Երկրաշարժ, Զելենսկին այցելի՞ Հայաստան, ի՞նչ է կատարվում «Ջերմուկի» շուրջ

Անցած ժամվա լուրերը՝ հակիրճ և բովանդակային.


•Թուրքիայում տեղի է ունեցել 3.9 մագնիտուդով երկրաշարժ, որի ցնցումները 2-3 բալ ուժգնությամբ զգացվել են նաև Շիրակի մարզում:

•Կարսում կայացել է հայ-թուրքական համատեղ աշխատանքային խմբի հանդիպումը՝ Գյումրի-Կարս երկաթգծի վերականգնման և շուտափույթ գործարկման հարցով:

•Մասնագետների պնդմամբ՝ «Ջերմուկի» առանձին խմբաքանակների իրացման արգելքը լուրջ խնդիր չէ և պայմանավորված է զուտ տեխնիկական հանգամանքներով:

•ՀԷՑ-ի շուրջ 3700 աշխատակիցներ մարտ ամսվա համար ստացել են լրացուցիչ պարգևավճարներ, ինչի արդյունքում նրանց եկամուտներն էականորեն աճել են:

•Մոսկվայի հյուսիսում գտնվող նորակառույց շենքում բռնկված հնգերորդ աստիճանի բարդության հրդեհը դարձել է երեք մարդու մահվան պատճառ:

•Ուկրաինայի Գերագույն ռադան 19-րդ անգամ երկարաձգել է համընդհանուր զորահավաքի և ռազմական դրության ժամկետը ևս երեք ամսով:

•Ուկրաինայի ներկայացուցիչը չի բացառել Վլադիմիր Զելենսկու հնարավոր այցը Երևան՝ մասնակցելու կայանալիք միջազգային գագաթնաժողովին: Նա չկարողացավ ո՛չ հաստատել, ո՛չ հերքել այդ տեղեկությունը: 

•Մայիսի 4-ին Երևանը կհյուրընկալի Եվրոպական քաղաքական համայնքի գագաթնաժողովը, որին առաջին անգամ կմասնակցի նաև Կանադայի վարչապետը: