17:00 Լուրերը մեկ տողով. Դաժանություն կենդանու հանդեպ, վտանգավոր թեյնիկներ շուկայում և Տիգրան Արզաքանցյանի սնանկացումը

Անցած ժամվա լուրերը՝ հակիրճ և բովանդակային.

•Ներքին գործերի նախարարությունը քայլեր է ձեռնարկում մեքենային կապված շանը քարշ տվող վարորդին հայտնաբերելու ուղղությամբ։

•Շուկայի վերահսկողության տեսչական մարմինը զգուշացնում է Գերմանիայից ներմուծված վտանգավոր թեյնիկների վաճառքի մասին։

•Կոտայքի մարզի Նուռնուս բնակավայրի բնակիչները բողոքի ակցիաներ են սկսել տեղի արտադրամասի պատճառած գարշահոտության դեմ։

•Դատարանի որոշմամբ գործարար և նախկին պատգամավոր Տիգրան Արզաքանցյանը ճանաչվել է սնանկ։


•Ռուսաստանաբնակ բազմաթիվ հայեր գալիս են Հայաստան հատուկ այն նպատակով, որպեսզի ընտրություններին քվեարկեն «Քաղաքացիական պայմանագիր» կուսակցության օգտին: Այս մասին հայտարարել է վարչապետ Նիկոլ Փաշինյանը։
 

•Այն ժամանակ պետությունը, իր վերաբերմունքի առումով, միշտ ընդգծել է բանակի դերակատարությունը, դա միշտ է եղել։ Այս մասին ասել է «Հայաստան» դաշինքի առաջնորդ Ռոբերտ Քոչարյանը:

•Թուրք լրագրողները Գյումրիում ուսումնասիրել են Հայաստան-Թուրքիա երկաթուղու և անցակետի վերագործարկման հեռանկարները։

•Բելառուսի նախագահը հայտարարել է, որ ռազմական հակամարտություններում հաջողության հասնելու միակ միջոցը ցամաքային գործողություններն են։