16:00 Լուրերը մեկ տողով. Աննա Հակոբյանի դեմ բողոք, մի քանի րոպեով փակ պողոտա, հարձակում Բեռլինում

Անցած ժամվա լուրերը՝ հակիրճ և բովանդակային.


•Անհետ կորածների հարազատները մի քանի րոպեով փակել են Երևանի Բաղրամյան պողոտան: 

•Վարչապետը հայտարարել է, որ Ղարաբաղյան շարժումն օգտագործվել է պետությունը մշտական զոհի կարգավիճակում պահելու համար, և ինքը դուրս է բերել երկիրն այդ թակարդից։

•Գործադիրի ղեկավարը քննադատել է նախկին նախագահների քաղաքական մոտեցումները, ինչին ի պատասխան ՀԱԿ ներկայացուցիչը հնչեցրել է կոշտ հակադարձումներ։

•Մենք Երևանով էլ, Գյումրիով էլ շատ լուրջ պիտի զբաղվենք. Փաշինյան:

•Դիտորդական դաշինքը դիմել է դատարան և Կոռուպցիայի կանխարգելման հանձնաժողով՝ տարբեր հիմնադրամների ու կուսակցական միջոցառումների ֆինանսավորման խախտումների հարցով։ Դիմում է Վարչական դատարան` պահանջելով 15 դրվագով վարչական պատասխանատվության ենթարկել հիմնադրամի գործադիր մարմնի ղեկավար Աննա Հակոբյանին

•Բեռլինում ներկով հարձակում է տեղի ունեցել Իրանի վերջին շահի որդու վրա, երբ նա քննադատել է Իրանի և ԱՄՆ-ի միջև հնարավոր համաձայնությունները։