Միջուկային հարված կհասցվի. Կիմ Չեն Ընը նոր օրենք է ընդունել

Հյուսիսային Կորեայի սահմանադրության մեջ կատարված նոր փոփոխությունների համաձայն՝ երկիրն իրավունք ունի միջուկային հարված հասցնել առաջնորդ Կիմ Չեն Ընի կյանքին սպառնացող վտանգի դեպքում։ Ինչպես տեղեկացնում է Yonhap լրատվական գործակալությունը, երկրի հիմնական օրենքում կատարվել է համապատասխան լրացում։ 

Հարավային Կորեայի Ազգային հետախուզական ծառայությունը հայտնում է, որ նոր կանոնակարգերը ենթադրում են միջուկային զենքի ավտոմատ գործադրում, եթե «թշնամական ուժերի» հարձակման հետևանքով վտանգվի Հյուսիսային Կորեայի միջուկային ուժերի հրամանատարությունը։ Այս դրույթը նախատեսում է անհապաղ պատասխան գործողություն, որը չի պահանջում հետագա համակարգում։

Նշված փոփոխությունները տեղի են ունեցել Մերձավոր Արևելքում հակամարտության պատճառով ստեղծված լարվածության աճի պայմաններում։ Հյուսիսային Կորեայի իշխանությունները ակնկալում են, որ այս քայլերը թույլ կտան զսպել այլ միջուկային պետություններին, հատկապես ԱՄՆ-ին, ինչպես նաև կերաշխավորեն կառավարության կայունությունը ճգնաժամային իրավիճակներում։