Պեսկովը խոսել է Ֆիցոյի միջոցով Զելենսկուց ստացվելիք ուղերձից

Սլովակիայի վարչապետ Ռոբերտ Ֆիցոն ՌԴ նախագահ Վլադիմիր Պուտինին Վլադիմիր Զելենսկուց ուղերձներ չի փոխանցել, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը: 

Ավելի վաղ սլովակյան Pravda թերթը, հղում անելով ԱԳՆ հայտարարությանը, գրել էր, որ Սլովակիայի վարչապետը Մոսկվա կատարած այցի ժամանակ կարող է ուղերձ փոխանցել Վլադիմիր Զելենսկուց: «Ո՛չ, չի փոխանցվել»,- ասել է Պեսկովը՝ պատասխանելով «ՌԻԱ Նովոստիի» հարցին այն մասին, թե արդյոք Ֆիցոն արդեն որևէ ուղերձ փոխանցել է Զելենսկուց:

Նա հստակեցրել է, որ Կրեմլում արդեն կայացած հանդիսավոր ընդունելության ժամանակ, որը նախատեսված էր Հաղթանակի օրվա տոնակատարությանը ժամանած օտարերկրյա առաջնորդների համար, Պուտինը և Ֆիցոն զրուցելու հնարավորություն չեն ունեցել:

«Ընդունելությանը բոլորն էին ներկա, այնտեղ առանձնապես հնարավորություն չկար»,- պարզաբանել է ՌԴ նախագահի մամուլի քարտուղարը: