Թրամփի որոշումներն ազդարարում են ՆԱՏՕ-ի փլnւզումը․ նախկին գլխավոր քարտուղար

ՆԱՏՕ-ի նախկին գլխավոր քարտուղար Անդերս Ֆոգ Ռասմուսենը հայտարարել է, որ ԱՄՆ-ի վերջին որոշումները վկայում են դաշինքի փլուզման մասին։

Ըստ Ռասմուսենի՝ Գերմանիայից ամերիկյան զորքերի դուրսբերումը և «Tomahawk» հրթիռների տեղակայման ծրագրի վերանայումը վտանգավոր ազդակներ են։ Գերմանիայի կանցլեր Ֆրիդրիխ Մերցն արդեն հաստատել է, որ ներկայումս չի սպասում այդ հրթիռների մատակարարմանը, թեև ապագայում փոփոխություններ չի բացառել։ Ավելի վաղ` ԱՄՆ նախագահ Դոնալդ Թրամփը հայտնել էր Գերմանիայում զինվորականների թիվը 5000-ով կրճատելու մտադրության մասին։

«Welt»-ին տված հարցազրույցում Ռասմուսենը նշել է, որ Թրամփի գործողությունները կասկածի տակ են դնում Եվրոպայի պաշտպանությունն ու 5-րդ հոդվածի հավատարմությունը, ինչը եվրոպացիներին ստիպում է մտածել սեփական ուժերով պաշտպանվելու մասին։ 

Այս նոր կառուցվածքը պետք է ներառի այն երկրները, որոնք պատրաստ են պաշտպանական ծախսերին հատկացնել ՀՆԱ-ի 5%-ը և ստանձնել անվտանգության երաշխիքներ։ Ծրագիրը նախատեսում է նաև բացառել ռազմական գործողությունների արգելափակումն առանձին պետությունների կողմից և հեռացնել պայմանները չկատարող անդամներին։

Միևնույն ժամանակ, Ռուսաստանը մտահոգություն է հայտնում իր սահմանների մոտ ՆԱՏՕ-ի ակտիվության և ուժերի կուտակման կապակցությամբ։ ՌԴ ԱԳՆ-ն պատրաստակամություն է հայտնել երկխոսության համար, եթե Արևմուտքը հրաժարվի միլիտարիզացման քաղաքականությունից։