Կոպիրկինն անդրադարձել է Հայաստանում «Թրամփի երթուղու» շուրջ ռիսկերին

ՀՀ-ում Ռուսաստանի դեսպան Սերգեյ Կոպիրկինի խոսքով՝ Հայաստանի հարավային տրանսպորտային նախագծին ԱՄՆ մասնակցությունը Իրանի համար անվտանգային սպառնալիք կհամարվի։

Ըստ դեսպանի՝ «Թրամփի երթուղի» նախագծին Վաշինգտոնի ներգրավվածությունը լարվածության աճի պատճառ կդառնա տարածաշրջանում։ Կոպիրկինը նշել է, որ Ադրբեջանը Նախիջևանի հետ Հայաստանի տարածքով կապող ենթակառուցվածքների ստեղծումը բախվում է վտանգների՝ հաշվի առնելով Իրանի անվստահությունը ԱՄՆ-ի նկատմամբ։ Ռուսաստանի դիվանագիտական ներկայացուցչության ղեկավարը հավելել է, որ Մոսկվան հարգում է սեփական արտաքին կապերը դիվերսիֆիկացնելու Երևանի իրավունքը, եթե դա չի վնասում հայ-ռուսական համագործակցությանը։ Միաժամանակ դեսպանն ընդգծել է, որ Ռուսաստանը չի մասնակցել Երևանում կայացած Եվրոպական քաղաքական համայնքի գագաթնաժողովին՝ դժգոհություն հայտնելով դրա կազմակերպիչների որդեգրած առճակատման մոտեցումից։