Էդմոն Մարուքյանը պարզաբանեց Երասխից քարոզարշավը սկսելու պատճառը

«Լուսավոր Հայաստան» կուսակցությաննիր նախընտրական քարոզարշավը սկսել է Երասծից: Կուսակցության նախագահ Էդմոն Մարուքյանը պարզաբանել է, թե` ինչու հենց Երասխից:

Նա նշեց, որ իրենց համար առանցքային ու հիմնարար նշանակություն ունի ՀՀ Սահմանադրության առաջին հոդվածը, որը վերաբերում է երկրի ինքնիշխանությանը։ Ըստ Մարուքյանի՝ Երասխը հենց Հայաստանի ունեցած ինքնիշխանության խորհրդանիշն է։

Նա ընդգծեց, որ ներկայիս կառավարությունը երկու տարի առաջ, տեղի տալով Ադրբեջանի պահանջին, դադարեցրել է Երասխի մետալուրգիական գործարանի շինարարությունը։ «Ամերիկյան ներդրողները ՀՀ ինքնիշխան տարածքում սկսել էին կառուցել գործարան, Ադրբեջանը սկսեց կրակել, և շինարարությունը դադարեցվեց, հետագայում այն տեղափոխվեց այլ վայր»,- հայտարարեց Էդմոն Մարուքյանը` շեշտելով, որ հունիսի 7-ից հետո Հայաստանը չի կարող նման նվաստացած իրավիճակում լինել:

Մանրամասները` տեսանյութում