19:00 Լուրերը մեկ տողով. Վեդիի ցնցող դեպքի նոր մանրամասները, դատախազի խիստ նախազգուշացումը

Անցած ժամվա լուրերը՝ հակիրճ և բովանդակային.

•Արտաշատի դատարանը երկամսյա կալանքի որոշում է կայացրել Վեդիում անչափահաս քույրերի նկատմամբ սեռական բռնություն գործադրելու մեջ մեղադրվողի նկատմամբ:

•Գլխավոր դատախազը նախազգուշացրել է, որ ընտրակաշառքի համար սահմանված է բացառապես ռեալ ազատազրկում, և պայմանական դատապարտում չի կիրառվելու:

•«Ուժեղ Հայաստան» կուսակցության նախագահը հրաժարվել է մեկնաբանել այլ երկրների ղեկավարների խոսույթը՝ այն համարելով ոչ կոռեկտ:

•«Կալուգացի է եւ այդպիսին էլ կմնա». Վարչապետ Նիկոլ Փաշինյանը տեսանյութով արձագանքել է Սամվել Կարապետյանի հայտարարություններին:

•Գագիկ Ծառուկյանի խոսնակը քննադատել է վարչապետի շեշտադրումները՝ դրանք որակելով որպես սեփական ձախողումների մեջ այլոց մեղադրելու փորձ:

•Մոսկվան հրապարակել է Հաղթանակի օրվա տոնակատարությանը մասնակցողների ցանկը, որին Հայաստանի վարչապետը չի միանա:

•Չինաստանի պաշտպանության երկու նախկին նախարարներ կաշառակերության համար դատապարտվել են մահապատժի՝ առանց պատժի հետագա մեղմացման հնարավորության: