15:00 Լուրերը մեկ տողով. Բնականաբար դատի եմ տալու կալուգացի օլիգարխին. վարչապետ.ի՞նչ է սպասվում մայիսի 28-ին

Անցած ժամվա լուրերը՝ հակիրճ և բովանդակային.

 
•Վարչապետը հակադարձել է իր հասցեին հնչած հալյուցինոգեն սնկերի վերաբերյալ պնդումներին: «Բնականաբար դատի եմ տալու կալուգացի օլիգարխին և բառիս իրավական իմաստով մի տոննա հալյուցինացիա առաջացնող սունկ եմ կերցնելու կալուգացի օլիգարխին»,- Նիկոլ Փաշինյան:


•Ընդդիմադիր գործիչը քննադատել է գործող խաղաղության օրակարգը՝ այն համարելով պարտադրված Ադրբեջանի կողմից:


•Բարձրաձայնվել է Ռուսաստանից Հայաստանի ունեցած մեծ կախվածության և ՀԱՊԿ-ի անգործության հարցը:

•Վարչապետը պարզաբանել է Ուկրաինայի հարցում Հայաստանի չեզոք դիրքորոշումն ու Ֆրանսիայի հետ սպասվող համագործակցությունը: Փաշինյանն ասաց. «Ինչ վերաբերում է՝ Ֆրանսիայի նախագահ Էմանուել Մակրոնը ինչ է արել, Մայիսի 28-ին կտեսնենք՝ ինչ է արել. ինչո՞ւ պատմեմ, ցույց կտամ։ Չգաք, գոնե հեռուստացույցը կմիացնեք, տեսնեք՝ Ֆրանսիայի նախագահն ինչ է արել»։


•ԿԳՄՍ նախարարությունը նախազգուշացրել է դպրոցներին՝ գերատեսչության անունից տարածվող կեղծ նամակների մասին: