Որքան գումար կվաստակի Մաքսիմ Գալկինը Երևանում կայանալիք ելույթի համար

Պրոդյուսեր Պավել Ռուդչենկոն aif.ru-ի հետ զրույցում գնահատել է, թե ինչ հոնորար կարող էր ստանալ շոումեն Մաքսիմ Գալկինը Եվրոպական քաղաքական համայնքի գագաթնաժողովի ժամանակ Հայաստան կատարած այցի և քաղաքական գործիչների առջև ելույթի համար։

Մաքսիմ Գալկինը Երևան է ժամանել Հայաստանում Եվրոպական քաղաքական համայնքի VIII գագաթնաժողովի անցկացման ֆոնին։ Հանրապետության խորհրդարանի խոսնակ Ալեն Սիմոնյանն իր սոցցանցերում հրապարակել է լուսանկարներ, որոնցում պատկերված է շոումենի հետ՝ քաղաքում շրջայցի ժամանակ։ Գալկինի համերգը Երևանում նախատեսված է մայիսի 6-ին։

«Դժվար թե այստեղ խոսքը հոնորարների մասին լիներ։ Ավելի շուտ, սա որոշակի կարիերային հանդիպում է բարձր մակարդակներում։ Այսինքն՝ Գալկինը ցանկանում է քաղաքականություն մտնել ընդդիմադիր ռուսոֆոբ թեմայով», — նշել է Ռուդչենկոն։

Նա հավելել է, որ Գալկինի կինը՝ Ալլա Պուգաչովան, պետք է մտածի, թե ինչպես այս իրավիճակը կանդրադառնա իր հեղինակության վրա։

Ռուդչենկոն միևնույն ժամանակ նախկինում ուշադրություն էր հրավիրել այն փաստի վրա, որ Գալկինի անձնական հոնորարը մեկ ելույթի համար կազմում է մոտ 15-20 միլիոն ռուբլի, և նա վաստակում է ռուսալեզու խաղացանկի շնորհիվ։  Ինչպես պարզել է aif.ru-ն, Երևանում Գալկինի շոուի տոմսերը վաճառվել են 10 հազար դրամից սկսած (մոտ 2 հազար ռուբլի՝ ըստ փոխարժեքի)։