Փեզեշքիանը բացառել է. ԱՄՆ-ի միակողմանի պահանջներին չենք ենթարկվելու

Իրանի նախագահը Մասուդ Փեզեշքիանը տեղական լրատվամիջոցներին հայտնել է, որ խնդիրն այն է, որ Միացյալ Նահանգները մի կողմից Թեհրանի նկատմամբ առավելագույն ճնշման քաղաքականություն են կիրառում, իսկ մյուս կողմից՝ սպասում են, որ Իրանի Իսլամական Հանրապետությունը կմասնակցի բանակցություններին։ 

«Խնդիրն այն է, որ, մի կողմից, Միացյալ Նահանգները մեր երկրի նկատմամբ առավելագույն ճնշման քաղաքականություն են վարում, իսկ մյուս կողմից՝ ակնկալում են, որ Իրանի Իսլամական Հանրապետությունը կնստի բանակցությունների սեղանի շուրջ և ի վերջո կենթարկվի Միացյալ Նահանգների միակողմանի պահանջներին. մինչդեռ նման բանաձևն անիրատեսական է և անհնարին»,- ասել է Իրանի նախագահ Մասուդ Փեզեշքիանը: