Թըրները հեռարձակման ոլորտի խոշորագույն դեմքերից էր. Թրամփ

ԱՄՆ  նախագահ Դոնալդ Թրամփը ցավակցություն է հայտնել CNN հեռուստաալիքի հիմնադիր Թեդ Թըրների մահվան կապակցությամբ՝ նրան անվանելով բոլոր ժամանակների մեծագույն գործիչներից մեկը։

Դոնալդ Թրամփի խոսքով՝ Թեդ Թըրները, ով հիմնադրել էր CNN-ը, հետագայում վաճառեց այն և անձնական ծանր ապրումներ ունեցավ այդ գործարքի պատճառով։ Ըստ Թրամփի՝ նոր սեփականատերերը խլեցին և կործանեցին նրա «զավակը»՝ հեռուստաալիքը վերածելով քարոզչական միջոցի, ինչը Թըրներն ընդհանրապես չէր ընդունում։

Թրամփը հույս է հայտնել, որ նոր գնորդները, ում նա բնութագրել է որպես հիասքանչ մարդկանց, կկարողանան վերականգնել կառույցի նախկին փառքն ու վստահությունը։ 

Եզրափակելով խոսքը՝ Թրամփը շեշտել է, որ Թըրները հեռարձակման ոլորտի պատմության խոշորագույն դեմքերից էր և իր ընկերը, ով միշտ սատարել է իրեն ու պատրաստ է եղել պայքարել հանուն արդարության։