ԱՄՆ-ն նախապես Թեհրանին տեղեկացրել է Հորմուզի նեղուցում սկսվող գործողության մասին. Axios

Axios պորտալը, հղում անելով ամերիկացի բարձրաստիճան պաշտոնյային, հայտնում է, որ նախագահ Դոնալդ Թրամփի վարչակազմի ներկայացուցիչը Իրանին իրազեկել է Հորմուզի նեղուցով նավերի ուղեկցման նախապատրաստվող գործողության մասին։ Թեհրանին կոչ է արվել զերծ մնալ գործընթացին միջամտելուց։

Հրապարակման համաձայն՝ Սպիտակ տան նպատակն էր նվազեցնել հնարավոր լարվածության ռիսկերը։ 

Այդուհանդերձ, չնայած հնչեցված նախազգուշացմանը, իրանական կողմը մի շարք հարձակումներ է նախաձեռնել ԱՄՆ ռազմածովային ուժերի նավերի, առևտրային նավերի, ինչպես նաև Միացյալ Արաբական Էմիրությունների տարածքի ուղղությամբ։