11:00 Լուրերը մեկ տողով. Խաղադրույքների արգելքից մինչև ամերիկյան հարված նավին և պատժամիջոցների շրջանցում

Անցած ժամվա լուրերը՝ հակիրճ և բովանդակային.

•Տեղի է ունենում Ազգային  Ժողովի ութերորդ գումարման տասնմեկերորդ նստաշրջանի հերթական նիստը:

•ՀՀ Ազգային ժողովում քննարկվում է նպաստառուներին և միայն կենսաթոշակով ապրողներին խաղային գործունեությունից արգելելու օրենսդրական նախագիծը: 

•Հայաստանում Իրանի դեսպանը հույս է հայտնել, որ Երևանը, օգտագործելով իր ներուժն ու առկա հնարավորությունները, կկարողանա հավասարակշռված գործընկերություն պահպանել աշխարհաքաղաքական տարբեր դերակատարների հետ:

•Չինաստանը դատապարտել է Իրանի դեմ ԱՄՆ-ի և Իսրայելի ռազմական գործողությունները՝ դրանք որակելով անօրինական: 

•ԱՄՆ զինված ուժերը Խաղաղ օվկիանոսում հարված են հասցրել թմրավաճառների և ահաբեկչական խմբերի կողմից օգտագործվող նավին: Գործողության հետևանքով նավը ոչնչացվել է, կան մարդկային զոհեր:

•Չինական փոքր ընկերությունները, շրջանցելով պատժամիջոցները, Իրան և Ռուսաստան են արտահանում ԱԹՍ-ների երկակի նշանակության բաղադրիչներ: 

•Ապարանում մայիս ամսին ձյուն է տեղացել: Հիդրոօդերևութաբանության կենտրոնը հրապարակել է տեղումները պատկերող տեսանյութեր: