Թրամփը սպառնում է Իրանին ջնջել երկրի երեսից

Իրանը կջնջվի երկրի երեսից, եթե հարձակվի Հորմուզի նեղուցով նավերին ուղեկցող ամերիկյան նավերի վրա՝ հայտարարել է Դոնալդ Թրամփը: 

ԱՄՆ նախագահի պնդմամբ՝ Իրանն այժմ ավելի համագործակցող է դարձել, քան նախկինում էր։ Թրամփը նախազգուշացրել է, որ իրանական կողմը պետք է բարեխիղճ գործարք կնքի, հակառակ դեպքում հնարավոր է ռազմական գործողությունների վերսկսում։

Մինչ այս Իրանի արտաքին գործերի նախարարության խոսնակ Էսմայիլ Բաղաեին նշել էր, որ Միացյալ Նահանգները շարունակում է անհիմն պահանջներ առաջադրել։ Ըստ պաշտոնական ներկայացուցչի՝ Պակիստանի միջնորդությամբ ստացված ամերիկյան կողմի պատասխանի վերլուծությունը բարդ կլինի՝ պայմանավորված Վաշինգտոնի որդեգրած դիրքորոշմամբ։