ՏԵՍԱՆՅՈՒԹ. ՀՀ-ն անսահմանափակ էներգետիկ ռեսուրսներ ունեցող երկիր է. Նիկոլ Փաշինյան

«Մեր իրականության մեջ էական և շրջադարձային փոփոխություններ են տեղի ունեցել»,- Երևանյան երկխոսություն համաժողովում իր բանախոսության ժամանակ ասել է վարչապետ Նիկոլ Փաշինյանը: 


«Տարիներ առաջ Հայաստանի Հանրապետության մասին խոսելով՝ ասվում էր, օրինակ, էներգետիկ ռեսուրսներ չունեցող երկիր է, և դա ճշմարտություն էր, և այս արտահայտությունը ցույց էր տալիս Հայաստանի խոցելիությունները՝ էներգետիկ և մնացած առումներով: 


Բայց ես ուզում եմ ասել, որ չնայած ոչինչ չի փոփոխվել պարամետրերում, բայց հիմա Հայաստանի Հանրապետությունն անսահմանափակ էներգետիկ ռեսուրսներ ունեցող երկիր է: Սա մեր ժամանակների ամենահետաքրքիր հանգամանքն է` կարող է երկիրը էներգետիկ ռեսուրս չունեցողից վերածվել և տրանսֆորմացվել անսահմանափակ էներգետիկ ռեսուրս ունեցող երկրի: 


Հայաստանում նավթի և գազի հանքեր չեն հայտնաբերվել, և Հայաստանի Հանրապետությունը, ինչպես բազմաթիվ այլ երկրներ, անսահմանափակ էներգետիկ պոտենցիալ ունի՝ արևային էներգիայի զարգացման բերումով: Եվ մեր խնդիրն է առաջիկայում կենտրոնանալ այս խնդրի վրա»,- ասել է Փաշինյանը:

Ավելին` տեսանյութում: