ՏԵՍԱՆՅՈՒԹ. Եթե մեզ ընդունեն ԵՄ, ուրախ և երջանիկ կլինենք. Փաշինյան

Վարչապետ Նիկոլ Փաշինյանը, Եվրոպական խորհրդի նախագահ Անտոնիու Կոշտայի և Եվրոպական Հանձնաժողովի նախագահ Ուրսուլա ֆոն դեր Լայենի հետ համատեղ հանդես են եկել հայտարարություններով:


«Մենք հասկանում ենք, որ որևէ երկիր չի կարող Եվրամիության լիիրավ և լիարժեք անդամ դառնալ՝ առանց Եվրամիության ստանդարտներին համապատասխանելու։ Եվ հետևաբար մեր առաջնային խնդիրն է նախ համապատասխանել Եվրոպական միության ստանդարտներին՝ իհարկե, Եվրոպական միության մեր գործընկերների աջակցությամբ»,- ասել է Փաշինյանը:

«Եթե մեզ կընդունեն Եվրոպական միության անդամ, մենք ուրախ և երջանիկ կլինենք դրա համար։ Եթե մեզ չեն ընդունի Եվրոպական միության անդամ, բոլոր դեպքերում մենք կլինենք շահած դիրքերում, որովհետև Հայաստանի Հանրապետությունը կլինի եվրոպական ստանդարտներին համապատասխանող երկիր՝ սրանից բխող բոլոր դրական արդյունքներով»,- ասել է Փաշինյանը: