Խաղեր են խաղում. նրանք իմ հետ մեծ հարգանքով են խոսում. Թրամփ

Միացյալ Նահանգների նախագահ Դոնալդ Թրամփը  լրագրողների հետ զրույցում նշել է, որ Իրանը «խաղեր է խաղում»։ Ըստ Թրամփի՝ նրանք իր հետ խոսում են մեծ հարգանքով, սակայն հեռուստատեսությամբ հրապարակավ հերքում են նախագահի հետ շփումների փաստը։ 

Այդուհանդերձ, նա վստահեցրել է, որ թեհրանյան կողմը գործարք կնքելու ցանկություն ունի։

Փետրվարի 28-ից ԱՄՆ-ն ու Իսրայելը սկսել են հարվածներ հասցնել Իրանի տարածքում գտնվող թիրախներին, ինչի հետևանքով զոհվել է ավելի քան 3 հազար մարդ։ Ապրիլի 8-ին Վաշինգտոնն ու Թեհրանը հայտարարել են երկշաբաթյա հրադադարի մասին։ Դրան հաջորդած Իսլամաբադի բանակցությունները որևէ արդյունք չեն տվել։ Չնայած մարտական գործողությունների վերսկսման մասին տեղեկություններ չկան, ԱՄՆ-ն ձեռնամուխ է եղել իրանական նավահանգիստների շրջափակմանը։ Այս պահին միջնորդ կողմերը ջանքեր են գործադրում բանակցային նոր փուլ կազմակերպելու ուղղությամբ։