Ֆրանսիայից արձագանքել են Մակրոնի երգելուն և շներին շոյելուն

Ֆրանսիայի նախագահ Էմանուել Մակրոնը պետք է զբաղվի հանրապետության խնդիրների լուծմամբ՝ Հայաստանի վարչապետ Նիկոլ Փաշինյանի հետ երգեր երգելու փոխարեն։ Այս մասին X սոցիալական ցանցի իր էջում գրել է ֆրանսիական «Հայրենասերներ» կուսակցության առաջնորդ Ֆլորիան Ֆիլիպոն։

Նա հայտարարել է, որ Մակրոնը չի խնայում իր երկրի քաղաքացիներին։

«Այն բանից հետո, երբ երեկ Մակրոնը վազում էր և շոյում անօթևան շներին, այսօր նա երգում է մեծ ոգեշնչմամբ։ Մինչդեռ տասնյակ միլիոնավոր ֆրանսիացիներ կցանկանային, որպեսզի միջոցներ ձեռնարկվեին, օրինակ՝ վառելիքի գների նվազեցման ուղղությամբ», — նշել է քաղաքական գործիչը։

Մայիսի 4-ից 5-ը Երևանում անցկացվում է Եվրոպական քաղաքական համայնքի (ԵՔՀ) գագաթնաժողովը, որին, ի թիվս այլոց, մասնակցում է Ֆրանսիայի նախագահը։ Պետական ընթրիքի ժամանակ Էմանուել Մակրոնը կատարել է հայտնի երգիչ Շառլ Ազնավուրի «Բոհեմ» երգը։ Միաժամանակ Նիկոլ Փաշինյանը նվագակցել է նրան թմբուկներով, իսկ հայ երաժիշտ Վահագն Հայրապետյանը՝ ռոյալով։ Մյուս հյուրերը, այդ թվում՝ Հայաստանի նախագահ Վահագն Խաչատուրյանը, կողքից հետևել են ելույթին։