20:00 Լուրերը մեկ տողով. ԱՄԷ-ի վրա ԱԹՍ-ներով և հրթիռներով հարձակումից մինչև էներգետիկ ճգնաժամ. նոր նախագծեր

Անցած ժամվա լուրերը՝ հակիրճ և բովանդակային.

•Արդարադատության նախարարությունը նախաձեռնել է օրենսդրական փոփոխություն, որը հնարավորություն կտա տնային կալանքի տակ գտնվող անձանց հեռավար կարգով ստանալ հանրակրթություն. նախագիծ: 

•ՊԵԿ-ն առաջարկում է վերանայել հարկերից խուսափելու համար քրեականացման շեմերը և ներդնել գույքի արգելադրման ավելի ճկուն մեխանիզմներ՝ բիզնեսի խնդիրները լուծելու նպատակով. նախագիծ: 

•ՀՀ ԱԺ փոխնախագահը շնորհակալություն է հայտնել Վրաստանին՝ Ադրբեջանի տարածքով դեպի Հայաստան մատակարարումների հարցում ցուցաբերած աջակցության համար:

•Եվրոհանձնակատարը Բրյուսելում հայտարարել է լուրջ էներգետիկ մարտահրավերների մասին և վերահաստատել ԵՄ պատրաստակամությունը՝ օգնելու Մոլդովային անկախ համակարգ ստեղծելու հարցում:

•Ըստ Axios-ի՝ Դոնալդ Թրամփը կարող է այս շաբաթ հրամայել վերսկսել ռազմական գործողություններն Իրանի դեմ՝ բանակցությունների փակուղու պատճառով:

•Իրանական հարձակումներն ԱՄԷ-ի ուղղությամբ. Էմիրությունների ՀՕՊ համակարգերը որսացել են իրանական բալիստիկ հրթիռներ և անօդաչու սարքեր, որոնց հարվածների հետևանքով հրդեհներ են բռնկվել նավթային համալիրներում: Թեհրանը հերքում է: 

•ԱՄԷ-ի վրա կատարված հարձակումների թեմայով այսօր տեղի կունենա ՄԱԿ-ի փակ խորհրդատվական նիստ՝ ստեղծված իրավիճակը քննարկելու համար:

•Մայիսի 6-ին սպասվում է ջերմաստիճանի նվազում և անձրև, սակայն մայիսի 7-ից սկսած օդի ջերմաստիճանը կրկին կբարձրանա՝ հասնելով մինչև +19 աստիճանի: