16:00 Լուրերը մեկ տողով. Քըլըչի «խոստովանությունը»՝ Երևանում. ուժայինների բախում կենտրոնում. օրվա լուրերը

Անցած ժամվա լուրերը՝ հակիրճ և բովանդակային.


•Հայաստանն ու Ֆրանսիան ստորագրել են ռազմավարական գործընկերության հռչակագիր, որը վարչապետի բնորոշմամբ նոր հաջողություններ կբերի երկկողմ հարաբերություններում։

•Վարչապետ Նիկոլ Փաշինյանն ընդգծել է «Հյուսիս-հարավ» ճանապարհի կառուցման առաջընթացը և Ֆրանսիայի առանցքային դերը տարածաշրջանային խաղաղության գործում։

•Թուրքիայի հատուկ ներկայացուցիչը հայտարարել է սահմանի բացման քաղաքական կամքի մասին՝ նշելով, որ ներկայումս լուծվում են տեխնիկական և բյուրոկրատական խնդիրներ։ Նա Երևանում նշել է, որ իրեն զգում է ինչպես տանը։

•Միջադեպ է տեղի ունեցել ՊՊԾ և ոստիկանության գվարդիայի ծառայողների միջև, որն ուղեկցվել է վիրավորանքներով և վիճաբանությամբ։

•Օրենսդրական նոր փոփոխություններով առաջարկվում է վերացնել պետական ծառայության պաշտոն զբաղեցնելու 65 տարեկանի սահմանափակումը. նախագիծ: 

•Մոսկվայի բոլոր օդանավակայանները ժամանակավորապես դադարեցրել են աշխատանքը թռիչքների անվտանգության ապահովման նպատակով ներդրված սահմանափակումների պատճառով։

•Էմանուել Մակրոնը կոչ է արել ապահովել Հորմուզի նեղուցի անխափան աշխատանքը և դադարեցնել բոլոր տեսակի ռազմական գործողությունները տարածաշրջանում։