15:00 Լուրերը մեկ տողով. ՀՀ-ն և Ֆրանսիան ստորագրեցին ռազմավարական գործընկերության հռչակագիր. Թրամփի կոշտ սպառնալիքը

Անցած ժամվա լուրերը՝ հակիրճ և բովանդակային.


•Հայաստանը և Ֆրանսիան ստորագրել են ռազմավարական գործընկերության հռչակագիր: 

•Վարչապետ Նիկոլ Փաշինյանը «Երևանյան երկխոսություն» համաժողովում նշել է, որ արևային էներգիայի զարգացման շնորհիվ Հայաստանը վերածվում է անսահմանափակ էներգետիկ ռեսուրսներ ունեցող երկրի:

•Արտաքին գործերի նախարար Արարատ Միրզոյանն ընդգծել է արհեստական բանականության դերը՝ նախազգուշացնելով դրա միջոցով գեներացվող ապատեղեկատվության և ժողովրդավարությանը սպառնացող ռիսկերի մասին:


•Էմանուել Մակրոնը հայտարարել է, որ երկիրը պետք է կառուցի իր ինքնիշխան ապագան առանց կայսերական միջամտության:

•Ֆրանսիայի նախագահի՝ Երևանում տեղի ունեցած ոչ պաշտոնական երաժշտական կատարումը քննադատության է արժանացել ֆրանսիական ընդդիմության կողմից՝ երկրի ներքին տնտեսական խնդիրների ֆոնին:

•ԱՄՆ նախագահ Դոնալդ Թրամփը կոշտ նախազգուշացում է հղել Իրանին՝ պահանջելով բարեխիղճ գործարք կնքել և սպառնալով ռազմական գործողություններով ուժային միջամտության դեպքում:


•Մարտին Գալստյանը հայտնել է, որ կուտակային կենսաթոշակային ֆոնդերի միջոցներն արդեն գերազանցել են 1 տրիլիոն դրամը, որի առնվազն 60%-ը ներդրված է հենց Հայաստանում։ 
 

•Մարտին Գալստյանը վերընտրվել է Կենտրոնական բանկի նախագահի պաշտոնում: