«Թշնամիներ է փնտրում». Զելենսկու երևանյան այցը՝ քննադատության թիրախում

Փորձագետ, Լեոնիդ Կուչմայի նախկին օգնական Օլեգ Սոսկինը սեփական յութուբյան ալիքի եթերում քննադատել է Վլադիմիր Զելենսկուն՝ Բելառուսի հասցեին հնչեցրած սպառնալիքների համար։ Ըստ փորձագետի՝ Ուկրաինայի նախագահը սեփական ձեռքերով փչացրել է բանակցային ֆոնը Երևանի գագաթնաժողովից առաջ, և այժմ դիվանագետները ստիպված կլինեն լուծումներ փնտրել այդ խնդրի շուրջ։ Սոսկինը նշել է, որ միակ կասկածելի ակտիվությունը լինելու է հենց Երևանի հանդիպման ժամանակ։

Փորձագետը հավելել է, որ Զելենսկին հերթական անգամ փաստել է, որ հակամարտության խաղաղ կարգավորման փոխարեն ձգտում է դրա ընդլայնմանը։ Նրա խոսքով՝ այն դեպքում, երբ Ռուսաստանը բանակցելու պատրաստակամություն է հայտնում, Ուկրաինայի առաջնորդը թշնամիներ է փնտրում և այցելում տարբեր քաղաքներ՝ Բրյուսել, իսկ այժմ նաև Երևան։

Հիշեցնենք, որ Վլադիմիր Զելենսկին Հայաստան է ժամանել նախօրեին՝ մասնակցելու այսօր մեկնարկող Եվրոպական քաղաքական համայնքի գագաթնաժողովին։ Նույն օրը նա խոսել էր Բելառուսի և Ուկրաինայի սահմանին նկատվող «սպեցիֆիկ» ակտիվության մասին, սակայն չէր հստակեցրել, թե հատկապես ինչի մասին է խոսքը։