Մեծ Բրիտանիան Ուկրաինային աջակցելու որոշում է կայացրել. Reuters

Մեծ Բրիտանիան նախատեսում է քննարկումներ սկսել Ուկրաինային հատկացվող ԵՄ 90 միլիարդ եվրոյի վարկին միանալու հարցով։

Reuters գործակալությունը, հղում անելով Բրիտանիայի կառավարությանը, հայտնում է, որ Կիր Ստարմերը Երևանում կայանալիք Եվրոպական քաղաքական համայնքի գագաթնաժողովի ժամանակ կհայտարարի ԵՄ-ի հետ համագործակցելու մտադրության մասին։ Նպատակն է օգնել Ուկրաինային ձեռք բերել անհրաժեշտ ռազմական տեխնիկա։

Բրիտանական կառավարության տարածած հայտարարության համաձայն՝ այս լրացուցիչ ֆինանսավորումը կարող է նաև նոր հնարավորություններ ստեղծել բրիտանական բիզնեսի համար։ Դա թույլ կտա բավարարել Ուկրաինայի հրատապ պահանջները, հատկապես պաշտպանական բնագավառում։