Իրանի տարածքից հրթիռներ են արձակվել. ԱՄԷ ՊՆ

ԱՄԷ պաշտպանության նախարարությունը հայտնել է երկրի ուղղությամբ արձակված թևավոր հրթիռների չեզոքացման մասին։


Արաբական Միացյալ Էմիրությունների հակաօդային պաշտպանության ստորաբաժանումները չեզոքացրել են հրթիռային գրոհը։ Այս տեղեկությունը X սոցիալական հարթակում տարածել է ԱՄԷ պաշտպանության նախարարության մամուլի ծառայությունը։

Ըստ պաշտոնական հայտարարության՝ Իրանի տարածքից դեպի երկիր արձակված չորս թևավոր հրթիռներից երեքը հաջողությամբ որսացվել են տարածքային ջրերի վրա, իսկ չորրորդն ընկել է ծովը։ Գերատեսչությունը պարզաբանել է, որ տարբեր շրջաններում լսված պայթյունների ձայները հակաօդային պաշտպանության համակարգերի գործողությունների հետևանք են։


Միևնույն ժամանակ, Fars գործակալությունը, հղում անելով իր տեղական աղբյուրներին, նշում է, որ հարձակման պատճառով վնասներ են կրել Դուբայի նավահանգստում տեղակայված ամերիկյան օբյեկտները։