13:00 Լուրերը մեկ տողով. Փաշինյանը հուսով է 2028-ին Ադրբեջան մեկնել. Զելենսկին՝ սպառնում Մոսկվային

Անցած ժամվա լուրերը՝ հակիրճ և բովանդակային.


•Երևանում տեղի է ունենում Եվրոպական քաղաքական համայնքի 8-րդ գագաթնաժողովի լիագումար նիստը: 

•Հուսով եմ, որ 2028 թվականին հնարավորություն կունենամ այցելել Ադրբեջան՝ Եվրոպական քաղաքական համայնքի 10-րդ գագաթնաժողովին մասնակցելու համար. Հայաստանի վարչապետ: 

•Ադրբեջանի նախագահը տեսակապով միացել է նիստին՝ նշելով, որ Բաքուն հանել է տարանցման սահմանափակումները և սկսել նավթամթերք մատակարարել Հայաստան։

•ԵՄ բարձր ներկայացուցիչ Կայա Կալլասը վաղը պաշտոնական այցով կմեկնի Ադրբեջան՝ մի շարք երկկողմ հանդիպումներ ունենալու նպատակով։

•Ուկրաինայի նախագահը Երևանում ողջունել է հաստատված խաղաղությունը և Մարզահամերգային համալիրում առանձնազրույց ունեցել ԵՄ առաջնորդների հետ։

•Վլադիմիր Զելենսկին նաև զգուշացրել է, որ ուկրաինական անօդաչուները կարող են «այցելել» Մոսկվայում կայանալիք ռազմական շքերթին։

•Եվրոպական հանձնաժողովի նախագահն ընդգծել է Հայաստանի առանցքային դերը Եվրոպայի մատակարարման շղթաների և տարածաշրջանային կապակցվածության հարցում։

•Եվրոպական միությունը փորձագետների խումբ է ուղարկում Հայաստան՝ ռուսական քարոզչությանը և կիբերհարձակումներին հակազդելու համար։