11:00 Լուրերը մեկ տողով. Կայա Կալասի հայտարարությունը՝ ԵՄ-ի հետ կապված. Ֆրանսիայի նախագահը՝ Հանրապետության հրապարակում

Անցած ժամվա լուրերը՝ հակիրճ և բովանդակային.


•Եվրամիությունը պատրաստակամ է քննարկել Հայաստանի անդամակցության հեռանկարը՝ որոշումը թողնելով պաշտոնական Երևանին. Եվրամիության դիվանագիտության ղեկավար Կայա Կալլաս: 

•Եվրախորհրդարանը ողջունում է Հայաստանի ժողովրդավարական հանձնառությունը և առաջարկում համագործակցել ապատեղեկատվության ու թվային սպառնալիքների դեմ պայքարում։

•Ֆրանսիան առաջնահերթություն է համարում Հայաստանի անվտանգության ու ինքնիշխանության պաշտպանությունը եվրոպական ընդհանուր կայունության համատեքստում։

•Եվրոպական քաղաքական համայնքի գագաթնաժողովին մասնակցելու նպատակով Երևան է ժամանել Թուրքիայի փոխնախագահը։


•Ֆրանսիայի նախագահ Էմանուել Մակրոնն առավոտյան ժամերին վազք է իրականացրել Հանրապետության հրապարակում: 

•Մեծ Բրիտանիան մտադիր է միանալ Ուկրաինային տրամադրվող վարկային ծրագրին՝ ռազմական տեխնիկայի ձեռքբերմանն աջակցելու նպատակով։

•Իրանը նախազգուշացրել է ԱՄՆ-ին զերծ մնալ Հորմուզի նեղուցում նավագնացությանը միջամտելուց՝ միաժամանակ շարունակելով խաղաղության շուրջ բանակցությունները Վաշինգտոնի հետ։

•Ադրբեջանի տարածքով Հայաստան է ներկրվում պարարտանյութի նոր խմբաքանակով բեռնված երկաթուղային շարասյուն։