ՏԵՍԱՆՅՈՒԹ. Նախարարին կախաղանի պատկերով տորթ են նվիրել

Իսրայելի ազգային անվտանգության նախարարի կինը ծննդյան 50-ամյակի կապակցությամբ նրան մատուցել է կախաղանի օղակի պատկերով և երազանքների իրականացման մասին մակագրությամբ տորթ:

Իսրայելական «Յոթերորդ ալիք» ռադիոկայանի հաղորդմամբ՝ Իտամար Բեն-Գվիրի կինը նախարարի 50-ամյակին նվիրել է տորթ, որի վրա պատկերված է եղել կախաղանի օղակ և գրված՝ «Երբեմն երազանքներն իրականանում են»։

Լրատվամիջոցը հստակեցրել է, որ նման դիզայնը կապված է Իսրայելի քաղաքացիների սպանության համար դատապարտված պաղեստինցիների նկատմամբ մահապատիժ սահմանող օրենքի ընդունման հետ: Ռադիոկայանի տեղեկություններով՝ հրուշակեղենի սերուցքային մակերեսին փակցված է եղել նաև «Շնորհավորում ենք նախարար Բեն-Գվիրին» գրությունը: