ԿԸՀ-ն մերժեց Տիգրան Ուրիխանյանի գրանցումը

Կենտրոնական ընտրական հանձնաժողովը մերժեց «Ալյանս» կուսակցության ընտրական ցուցակի առաջին համար Տիգրան Ուրիխանյանի գրանցումը՝ անհրաժեշտ փաստաթղթերի բացակայության պատճառով։

«Ալյանս» կուսակցության պատգամավորի թեկնածուների համամասնական ցուցակը գլխավորող Տիգրան Ուրիխանյանը ԿԸՀ չի ներկայացրել այնպիսի փաստաթղթեր, որոնք կհավաստեին, որ նա վերջին 4 տարվա ընթացքում եղել է միայն Հայաստանի քաղաքացի և մշտապես բնակվել է հանրապետությունում։ Այս մասին ապրիլի 30-ին կայացած Կենտրոնական ընտրական հանձնաժողովի արտահերթ նիստի ժամանակ հայտնել է ԿԸՀ անդամ Ժիրայր Կարապետյանը։

Կուսակցությանը հատկացվել էր 48 ժամ՝ առկա անճշտությունները վերացնելու համար։ Քանի որ համապատասխան փաստաթղթերը չեն ներկայացվել, ԿԸՀ-ն որոշում է կայացրել մերժել Տիգրան Ուրիխանյանի գրանցումը։