Թրամփի դիմանկարը կհայտնվի ԱՄՆ նոր անձնագրերում. ԶԼՄ

ԱՄՆ Պետդեպարտամենտն ավարտում է ամերիկյան նոր անձնագրերի մշակումը, որոնց էջերին պատկերված կլինի երկրի ղեկավար Դոնալդ Թրամփի դիմանկարը։

Ամերիկյան անձնագրերի վերաձևավորումը հանդիսանում է ԱՄՆ անկախության 250-ամյակի տոնակատարությունների բաղկացուցիչ մասը։ Զուգահեռաբար, երկրի Ֆինանսների նախարարությունը նախատեսում է թողարկել Թրամփի պատկերով մեկ դոլարանոց մետաղադրամներ և մեծաչափ հուշանվերային ոսկե մետաղադրամ։ Միևնույն ժամանակ, Ազգային պարկերի ծառայությունն արդեն տեղադրել է նախագահի լուսանկարը պարկերի անցագրերի վրա։

Նոր դիզայնի նախնական տարբերակների համաձայն՝ փաստաթղթի կազմի ներքին հատվածում զետեղվելու է Դոնալդ Թրամփի մռայլ դիմանկարը, որը վերցված է նրա երկրորդ երդմնակալության արարողության լուսանկարից, ինչպես նաև նրա ոսկեգույն ստորագրությունը։

«Ավելի ավանդական հայրենասիրական պատկերը՝ Ջոն Թրամբուլի «Անկախության հռչակագիրը» կտավից մի հատված, զետեղված է հետնամասի կազմին», — հայտնում է պորտալը։