Խաղաղությունը խաթարելու փորձ է կատարվում. Միլի Մեջլիսի հայտարարությունը

Ադրբեջանի Միլի Մեջլիսի ժամանակավոր հանձնաժողովը հայտարարություն է հրապարակել` նշելով, թե իբրև Բաքվի և Երևանի միջև խաղաղությունը խաթարելու փորձ է կատարվում:  

Միլի Մեջլիսի` օտարերկրյա միջամտության և հիբրիդային սպառնալիքների դեմ պայքարի ժամանակավոր հանձնաժողովը մեղադրել է հայամետ շրջանակներին Ադրբեջանի դեմ տեղեկատվական աշրավ կազմակերպելու մեջ:

«Հետաքննությունների ընթացքում պարզվել է, որ արշավն իրականացվում է նպատակաուղղված և միասնական թեզերի շուրջ՝ աշխարհի տարբեր երկրներում գործող հայկական լոբբիստական կազմակերպությունների, որոշակի ազդեցություն և պաշտոններ ունեցող օտարերկրյա քաղաքացիների, ինչպես նաև լրատվամիջոցների կողմից։ Արշավում առանձնակի ակտիվությամբ աչքի են ընկել ԱՄՆ-ում, Եվրոպայում և Ռուսաստանում տեղակայված հայկական լոբբիստական կազմակերպությունները»,- նշված է հայտարարության մեջ։