Մերցը չի մասնակցի Հայաստանում կայանալիք գագաթնաժողովին

Գերմանիայի կանցլեր Ֆրիդրիխ Մերցը որոշում է կայացրել չմասնակցել Եվրոպական քաղաքական համայնքի (ԵՎՔ) գագաթնաժողովին, որը տեղի կունենա մայիսի 4-ին Հայաստանում և կհամախմբի շուրջ 50 երկիր։ Սա կլինի առաջին դեպքը, երբ Գերմանիայի կառավարության ղեկավարը բաց կթողնի նման մասշտաբի միջոցառում։ Այս մասին հայտնում է ԴՊԱ գործակալությունը։

Գերմանիայի կառավարության ներկայացուցիչը, ի պատասխան ԴՊԱ-ի հարցմանը, պարզաբանել է, որ Գերմանիայի կանցլերը չի կարողանա այցելել գագաթնաժողովին՝ առկա այլ պարտավորությունների պատճառով։

«Այդ պատճառով նա ներկա չի լինի», - նշել է նա։ Հարցը, թե ով կփոխարինի նրան միջոցառմանը, դեռևս բաց է մնում։ Մայիսի 4-ին Մերցը Բեռլինում ծրագրել է մասնակցություն Քրիստոնեա-դեմոկրատական միության (ՔԴՄ) նախագահության նիստին։ Առայժմ կառավարության մամուլի ծառայությունը չի հայտնում նրա մասնակցությամբ այլ հանրային միջոցառումների մասին։