Ես կգրավեմ Կուբան գրեթե անմիջապես. Թրամփ

Ֆլորիդայում կայացած փակ ընթրիքի ժամանակ Դոնալդ Թրամփը նշել է, որ Կուբան իր վերահսկողության տակ կվերցնի «գրեթե անմիջապես»՝ ակնարկելով ավիակրի կիրառմամբ ռազմական ճնշման հնարավոր սցենարի մասին։

Թրամփի խոսքով դա տեղի կունենա Իրանում «աշխատանքն» ավարտելուց հետո։ 

Իր ելույթում նա նշել է, որ Իրանի հարցերից հետո կհրամայի «Աբրահամ Լինքոլն» ավիակրին մոտենալ Կարիբյան ավազանին։ Ըստ նրա նկարագրության՝ աշխարհի ամենամեծ ռազմական նավը կկանգնի Կուբայի ափից շուրջ 100 մետր հեռավորության վրա, ինչից հետո կուբացիները կհայտնեն իրենց հանձնվելու մասին։ Թեև նախագահի օգնականները պնդել են, որ հայտարարությունները կատակային բնույթ են կրել, դրանք հնչել են կղզու դեմ նոր պատժամիջոցների հրամանագրի ստորագրման օրը։