Պերմում հարձակման է ենթարկվել «Լուկոյլ»-ի նավթամշակման օբյեկտը

Նահանգապետը հաստատել է, որ տեղի է ունեցել հարձակում «Պերմի երկրամասի արդյունաբերական օբյեկտներից մեկի վրա», բայց չի նշել օբյեկտի անվանումը: Ականատեսների հրապարակած կադրերից երևում է, որ այն ենթադրաբար այդ  օբյեկտը ջրամբար է եղել:
 

«Այսօր Պերմի երկրամասում անօդաչու թռչող սարք է ընկել արդյունաբերական օբյեկտի վրա։ Աշխատակիցները գտնվում են պաշտպանիչ կառույցներում։ Վիրավորներ կամ էական վնասներ չկան։ Բնակիչների կյանքին և առողջությանը վտանգ չի սպառնում։ Քիմիական վտանգ չկա։ Դեպքի վայրում աշխատում են արտակարգ ծառայությունները։ Տարածաշրջանում առկա է «Անօդաչու թռչող սարքի վտանգ», - Telegram-ում գրել է Պերմի երկրամասի նահանգապետ Դմիտրի Մախոնինը։