Իրանից որոշ ապրանքների ներմուծման դեպքում կգործի սակագնային քվոտա․ նոր մանրամասներ

Auroranews.am-ը ավելի վաղ հայտնել էր, որ ՀՀ կառավարության նիստում որոշվել է, որ 2026 թվականին Իրանից Հայաստան ներմուծվող իրանական ծագում ունեցող առանձին ապրանքների, այդ թվում՝ լոլիկի, վարունգի և խնձորի համար կգործի սակագնային քվոտա, նշված ապրանքների ներմուծման դեպքում կկիրառվի զրո տոկոս մաքսատուրք։ 

Auroranews.am-ը Ֆինանսագետի հետ զրույցում փորձեց ավելի մանրամասն տեղեկություններ իմանալ, այս որոշման հետ կապված․

Ըստ նախագծի՝ « Հայաստանի կառավարությունը սահմանել է Իրանից ներմուծվող առանձին տեսակի ապրանքների համար սակագնային քվոտայի կիրառման կարգը: Սույն որոշման համաձայն՝ սակագնային քվոտան տարածվում է Իրանի Իսլամական Հանրապետությունից «Բացթողում՝ ներքին սպառման համար» մաքսային ընթացակարգով ներմուծվող ապրանքների վրա։ 2026 թվականի ընթացքում նշված ապրանքատեսակների ներմուծումը թույլատրվում է 0 տոկոս մաքսատուրքի դրույքաչափի կիրառմամբ, եթե առկա է համապատասխան լիցենզիա։

Իրանական ծագում ունեցող ապրանքների ներմուծման լիցենզավորման լիազոր մարմին է ճանաչվել ՀՀ էկոնոմիկայի նախարարությունը»,- ասվում է հրապարակման մեջ։

Կից ներկայացնում ենք նաև  իրանական ծագում ունեցող այն առանձին ապրանքները, որոնց դեպքում  կգործի սակագնային քվոտա։