Նոր որոշում․ Ռուսաստանն օտարերկրյա վարորդների ժամանակավոր կացության ժամկետը փոփոխել է

Ռուսաստանի Դաշնության կառավարությունը մինչև 180 օր է երկարաձգել մեկ օրացուցային տարվա ընթացքում Ռուսաստանի տարածքում ԱՊՀ երկրների և Վրաստանի այն վարորդների ժամանակավոր կացության ժամկետը, որոնք իրականացնում են միջազգային ավտոմոբիլային փոխադրումներ:

«ԱՊՀ անդամ պետությունների քաղաքացիների, ինչպես նաև Վրաստանի քաղաքացիների, որոնք հանդիսանում են միջազգային ավտոմոբիլային փոխադրումներ իրականացնող պրոֆեսիոնալ վարորդներ և Ռուսաստանի Դաշնություն են ժամանել առանց վիզայի պահանջի, Ռուսաստանի Դաշնությունում ժամանակավոր կացության ժամկետը երկարաձգել մինչև գումարային 180 օր՝ մեկ օրացուցային տարվա ընթացքում, պայմանով, որ նշված օտարերկրյա քաղաքացիները սահմանված կարգով դիմում ներկայացնեն Ռուսաստանի Դաշնություն մուտք գործելու և Ռուսաստանի Դաշնությունում գտնվելու (բնակվելու) նպատակով», - նշված է որոշման տեքստում։ 

Կառավարությունից հավելել են, որ սույն որոշումն ուժի մեջ է մտնում 2026 թվականի հունիսի 30-ից: