Նոր մանրամասներ Թրամփի դեմ մահափորձից

Նախագահ Դոնալդ Թրամփի դեմ մահափորձի մեջ մեղադրվող Քոուլ Թոմաս Ալենը հրաձգությունից կես ժամ առաջ սելֆի է արել Washington Hilton հյուրանոցի համարում:

New York Post-ի հաղորդմամբ՝ Washington Hilton-ում կայացած բանկետի ժամանակ տեղի ունեցած միջադեպից 30 րոպե առաջ կասկածյալը լուսանկարվել է: Լրագրողական վերլուծության համաձայն՝ լուսանկարում երևում է, որ սև կոստյումով և կարմիր փողկապով Ալենն իր մոտ ունեցել է երկու տեսակի հրազեն, զինամթերք, մի քանի դանակ, ինչպես նաև ունելի և տափակաշուրթ:

Ապրիլի 25-ին Սպիտակ տան թղթակիցների ասոցիացիայի ընդունելության վայրում՝ նշված հյուրանոցում, տեղի ունեցած հրաձգության հետևանքով ԱՄՆ վարչակազմի ներկայացուցիչներից որևէ մեկը վնասվածք չի ստացել, սակայն վիրավորվել է անվտանգության ծառայողը: Ձերբակալված Քոուլ Թոմաս Ալենին առաջադրվել է մեղադրանք երեք հոդվածով: