16:00 Լուրերը մեկ տողով. Վարորդների հարցը լուծվեց. Ադրբեջանական պատվիրակությունը՝ Աղվերանում. նոր հիվանդանոցներ

Անցած ժամվա լուրերը՝ հակիրճ և բովանդակային.


•Ռուսաստանը մինչև 180 օրով երկարաձգել է միջազգային բեռնափոխադրումներ իրականացնող վարորդների կացության ժամկետը։ Վարորդների հարցն էլ լուծվեց.Գևորգ Պապոյան: 

•Ոստիկանությունը Վանաձորում կանխել է նախապատրաստվող սպանություն, ավազակային հարձակումներ և ձերբակալել կասկածյալներին։

•Հովիկ Աբրահամյանի ապօրինի գույքի և առանձնատան վերաբերյալ նախաձեռնվել է քրեական վարույթ՝ փողերի լվացման հատկանիշներով։

•Մինչև հուլիս շահագործման կհանձնվի 35 նոր բժշկական հաստատություն՝ մարզերում բուժառուների հոսքն ու սպասարկումն ապահովելու համար։

•Վարազդատ Լալայանը և Գարիկ Կարապետյանը դարձել են ծանրամարտի Եվրոպայի եռակի չեմպիոններ և պատրաստվում են աշխարհի առաջնությանը։

•Տուապսեի նավթավերամշակման գործարանում ԱԹՍ-ի հարձակման հետևանքով բռնկված հրդեհից հետո ընթանում են տարածքի մաքրման աշխատանքներ։

•Ադրբեջանի սահմանազատման հանձնաժողովի նախագահի գլխավորած պատվիրակությունը ժամանել է Հայաստան և գտնվում է Աղվերանում։

•Ադրբեջանի փոխվարչապետը ցանկություն է հայտնել այցելել Տավուշի Ջուջևան բնակավայր, սակայն տեղական իշխանությունները հստակ տեղեկություն չունեն։